اردو ورلڈ کینیڈا ( ویب نیوز ) ایران نے امریکہ کے ساتھ کسی معاہد ے یا مذاکرات کے ٹرمپ کے دعوے کو مسترد کر دیا ۔

ایرانی وزیر خارجہ عباس اراقچی نے امریکی صدر ڈونلڈ ٹرمپ کے اس دعوے کو مسترد کر دیا ہے کہ ایران کے ساتھ مذاکرات اگلے ہفتے ہو سکتے ہیں۔اراقچی نے واضح کیا: "کوئی معاہدہ نہیں ہوا، مذاکرات کے لیے کوئی تیاری نہیں کی جا رہی ہے، اور نہ ہی کوئی بات چیت ہوئی ہے۔ یہ دعویٰ بالکل بے بنیاد ہے۔انہوں نے مزید کہا کہ ایران اس وقت کسی نئے مذاکراتی عمل میں شامل نہیں ہے اور اس سے قبل کوئی انتظامات یا پس پردہ مذاکرات نہیں ہیں۔یاد رہے کہ نیٹو سربراہی اجلاس کے دوران امریکی صدر ڈونلڈ ٹرمپ نے صحافیوں کو بتایا تھا: ’’ایران اور اسرائیل دونوں جنگ سے تھک چکے ہیں۔. اگلے ہفتے ایران کے ساتھ مذاکرات ہوں گے اور ممکن ہے کہ کسی معاہدے پر دستخط کیے جائیں۔ٹرمپ نے یہ بھی کہا کہ وہ صرف اسرائیلی انٹیلی جنس پر انحصار نہیں کر رہے بلکہ ایران کے خلاف دباؤ برقرار رکھا جائے گا۔