اردو ورلڈ کینیڈا ( ویب نیوز ) وزیر اعظم شہباز شریف کا کہنا ہے کہ ملک میں گندم کا کوئی بحران نہیں، وافر ذخائر موجود ہیں، ناجائز منافع خوری کرکے مصنوعی قلت پیدا نہیں ہونے دیں گے۔ وزیراعظم شہباز شریف کی زیر صدارت ملک میں گندم اور آٹے کی مصنوعی قلت اور ذخیرہ اندوزوں اور ناجائز منافع خوری کے حوالے سے اعلیٰ سطح کا ہنگامی اجلاس ہوا، جس میں وزیراعظم نے ملک میں گندم کے موجودہ ذخائر کا جائزہ لیا۔

یہ بھی پڑھیں

ملک میں مہنگائی عروج پر ہے ، شہباز شریف کا اعتراف

اجلاس کو بتایا گیا کہ ملک میں گندم کے وافر ذخائر موجود ہیں اور صوبوں کو ہدایت کی جارہی ہے کہ وہ پاسکو کے ذخائر سے فلور ملوں تک گندم کی ترسیل تیز کریں۔ جبکہ اسٹاک کی اتنی ہی مقدار جنوری کے آخر تک پہنچ جائے گی۔ انہوں نے کہا کہ گزشتہ پانچ دنوں میں 40 کلو آٹے کے تھیلے کی قیمت میں تقریباً1000 روپے کی کمی ہوئی ہے۔

وزیراعظم نے ہدایات دیتے ہوئے کہا کہ متعلقہ وفاقی اور صوبائی ادارے آٹے اور گندم کی ذخیرہ اندوزی کرنے والوں کے خلاف سخت اقدامات کریں۔اجلاس میں وفاقی وزیر فوڈ سیکیورٹی طارق بشیر چیمہ، وزیراعظم کے مشیر احد چیمہ، متعلقہ وفاقی اعلیٰ حکام اور صوبائی چیف سیکرٹریز نے شرکت کی۔

مزید پڑھیں

آئی ایم ایف سے کہا ہے غریبوں پر نہیں امیروں پر ٹیکس لگائیں گے پیسے دیں،شہباز شریف