اردو ورلڈ کینیڈا ( ویب نیوز ) وزیراعظم انوار الحق کاکڑ نے کہا ہے کہ دو سو یونٹ بجلی کی ریلیف کے حوالے سے جلد فیصلہ کریں گے۔
وزیر اعظم انوار الحق کاکڑ نے کہا کہ پاکستان میں غیر قانونی طور پر آنے والوں کے لیے کوئی جگہ نہیں، بغیر ویزہ آنے والوں کو واپس بھیج دیا جائے گا۔ جو بھی یہاں آنا چاہتا ہے وہ ویزہ لے کر آئے۔
انہوں نے کہا کہ میں الیکشن کی تاریخ کا اعلان کروں گا تو یہ غیر قانونی ہوگا، آپ لوگ مجھے غیر قانونی کام پر نہ اکسائیں۔
وزیراعظم نے کہا کہ سمگلنگ اور ذخیرہ اندوزی کے خلاف مارکیٹ کنٹرول کمیٹیاں بحال کر دی ہیں، پہلے سے سمگلنگ نہیں ہو رہی تھی، میں کوئی مغل بادشاہ نہیں کہ دس سیاستدانوں اور دس بیوروکریٹس کو قطار میں کھڑا کر کے گولی مار دوں۔ یہ یقینی ہے کہ ہم بغیر کسی خوف کے کام کر رہے ہیں۔
فواد حسن فواد اور احد چیمہ کی تعیناتی پر انہوں نے کہا کہ یہ دونوں افسران اعلیٰ سرکاری ملازمین ہیں، ان کا کسی سیاسی جماعت سے کوئی تعلق نہیں اور نہ ہی یہ کسی جماعت کے عہدیدار ہیں۔دو سو یونٹ بجلی پر ریلیف کے حوالے سے انہوں نے کہا کہ صارفین کو قسطوں میں ادائیگی کے حوالے سے جلد فیصلہ کریں گے۔ وزیر اعظم انوار الحق کاکڑ نے آج کہا کہ سپریم کورٹ نے نیب ترمیمی بل کی بعض شقوں کو کالعدم قرار دے دیا ہے، "فیصلے کے بارے میں فی الحال کچھ نہیں کہہ سکتا، جب وزارت قانون رائے طلب کرے گی تو میں بتاؤں گا۔
