اردوورلڈ کینیڈا( ویب نیوز)وزیر اعظم شہباز شریف نے کہا ہے کہ دہشت گردوں کے ساتھ رعایت کا سوال ہی پیدا نہیں ہوتا۔
کوئٹہ میں نیشنل ایکشن پلان کی صوبائی ایپکس کمیٹی کے اجلاس میں وزیراعظم شہباز شریف نے اختتامی خطاب میں کہا کہ ملک سے دہشت گردوں کا ہر صورت خاتمہ کریں گے، بلوچستان میں امن کے قیام کے لیے سب کو اپنا کردار ادا کرنا ہوگا۔ .
انہوں نے کہا کہ ترقی اور خوشحالی کے لیے ملک دشمنوں کا خاتمہ ناگزیر ہے، ہم ہر صورت ملک سے دہشت گردی کا خاتمہ کریں گے، دہشت گردوں کے گھناؤنے عزائم کو خاک میں ملانا ہمارا فرض ہے، پاکستان کے پرچم پر یقین رکھنے والے عوام سے مذاکرات کریں۔
شہباز شریف نے کہا کہ دشمن پاک چین دوستی کو توڑنا چاہتے ہیں، دشمن پاکستان کی ترقی نہیں چاہتے، گوادر میں دھرنے اور حملے جاری ہیں پاکستان کے دشمن بیرونی ممالک سے حملے کر رہے ہیں۔
وزیراعظم نے کہا کہ پاکستان نے دہشت گردی کے خلاف جنگ میں قربانیاں دیں، دہشت گردی کے خلاف جنگ میں پاکستان کو 150 ارب ڈالر کا نقصان ہوا، دہشت گردی کے خلاف جنگ میں پاکستان کو صرف 20 ارب ڈالر ملے۔
انہوں نے کہا کہ بدقسمتی سے یہ تاثر پایا جاتا ہے کہ سول افسران بلوچستان آنے سے گریزاں ہیں بلوچستان میں قابل اور ایماندار افسران کی تعیناتی بہت ضروری ہے بلوچستان میں افسران کی تقرری کے حوالے سے پالیسی بنائی گئی ہے۔ 48ویں کمانڈ کے افسران کو بلوچستان لایا جائے گا۔
شہباز شریف نے کہا کہ بلوچستان میں تعینات افسران کو مراعات دی جائیں گی، 48 کامن ٹریننگ پروگرام کے آدھے افسران کو فوری طور پر ایک سال کے لیے تعینات کیا جائے گا، 48 کامن ٹریننگ پروگرام کے دیگر افسران کو 6 ماہ بعد ایک سال کے لیے تعینات کیا جائے گا۔
