اردوورلڈکینیڈا(ویب نیوز)ٹرمپ کے محصولات کے بارے میں پریمیئر ڈگ فورڈ نے کہا ہے کہ جب تک امریکہ کینیڈا پر تمام محصولات نہیں ہٹاتا، اونٹاریو بھی اپنے برآمدی ٹیکس پر کھڑا ہے، بشمول LCBO۔ اس میں شیلف سے امریکی شراب کو ہٹانا بھی شامل ہے۔

اس تجارتی جنگ کا درمیانی حل نہیں’ ہے، ہم کینیڈینوں پر محصولات نہیں چاہتے۔ یہ تبصرے ٹرمپ انتظامیہ کی جانب سے آٹو مینوفیکچررز پر محصولات میں ایک ماہ کی تاخیر کے اعلان سے چند گھنٹے قبل سامنے آئے ہیں۔ اس میں شامل کار ڈیلروں میں سٹیلنٹیس، فورڈ اور جنرل موٹرز شامل ہیں۔
امریکی صدر ڈونلڈ ٹرمپ نے منگل کے روز کینیڈین اشیاء پر 25 فیصد ٹیرف جبکہ کینیڈین توانائی پر 10 فیصد ٹیرف عائد کر دیا۔ اس کے بعد وفاقی حکومت نے 30 بلین ڈالر مالیت کی امریکی مصنوعات پر 25 فیصد ٹیرف عائد کیا، 21 دنوں میں 125 بلین ڈالر تک کی امریکی اشیا پر ٹیرف لگانے کا منصوبہ ہے۔ امریکی وزیر تجارت ہاورڈ لٹنک نے بدھ کی صبح کہا کہ امریکی حکومت کینیڈا پر امریکی محصولات کے بارے میں ایک اجلاس منعقد کرے گی، جس میں کچھ صنعتوں کے لیے استثنیٰ پر تبادلہ خیال کیا جائے گا