اردو ورلڈ کینیڈا ( ویب نیوز )  امریکی سابق صدر ڈونلڈ ٹرمپ نے دعویٰ کیا ہے کہ انہوں نے بھارتی وزیراعظم نریندر مودی کو دوٹوک الفاظ میں کہا کہ پاکستان کے ساتھ جنگ کسی صورت نہیں ہونی چاہیے۔

اوول آفس میں دیوالی کی تقریب کے موقع پر صحافیوں سے گفتگو کرتے ہوئے ٹرمپ نے بتایا کہ ان کی بھارتی وزیراعظم سے ٹیلیفون پر بات ہوئی، جس میں تجارت سمیت کئی اہم امور پر تبادلہ خیال کیا گیا۔ٹرمپ کے مطابق انہوں نے مودی کو واضح پیغام دیا کہ بھارت اور پاکستان کے درمیان تنازع کا حل جنگ نہیں بلکہ تجارت ہے۔انہوں نے کہا کہ “میں نے مودی کو کہا اگر آپ جنگ کریں گے تو امریکہ آپ کے ساتھ تجارت نہیں کرے گا، اور 24 گھنٹے کے اندر دونوں ممالک نے رابطہ کر کے بتایا کہ وہ جنگ نہیں چاہتے۔”سابق امریکی صدر نے مزید کہا کہ انہوں نے اپنے دور میں تجارت کے ذریعے آٹھ جنگوں کو رکنے سے بچایا، جن میں پاکستان اور بھارت کی ممکنہ جنگ بھی شامل ہےواضح رہے کہ ٹرمپ اس سے قبل بھی متعدد بار پاک بھارت کشیدگی کم کرنے کا کریڈٹ اپنے نام کر چکے ہیں۔