اردو ورلڈ کینیڈا ( ویب نیو ز)چیف جسٹس پاکستان عمر عطا بندیال نے کہا ہے کہ ملک میں قانون کی بالادستی ہونی چاہیے اور ترقی کے لیے قربانیاں دینی پڑتی ہیں جب کہ ملکی حالات ہمارے سامنے ہیں اس لیے ہمیں اختلافات کے بجائے ملک کے لیے سوچنا چاہیے۔
کوئٹہ میں استقبالیہ تقریب سے خطاب کرتے ہوئے چیف جسٹس پاکستان عمر عطا بندیال نے کہا کہ نئی عمارت کی تعمیر سے انصاف میں بہتری آئے گی۔ اللہ ہمیں قانون، آئین اور قانون کے مطابق فیصلے کرنے کی توفیق عطا فرمائے۔
چیف جسٹس پاکستان نے کہا کہ قوموں کی تقدیر عدالتی فیصلوں سے نہیں قیادت سے طے ہوتی ہے، بلوچستان کے لوگوں میں بہت زیادہ صلاحیت موجود ہے۔ صوبے کی ترقی کے لیے ہر فرد کو اپنا کردار ادا کرنا ہوگا۔
جسٹس عمر عطا بندیال نے کہا کہ ملک میں قانون کی بالادستی ہونی چاہیے اور ترقی کے لیے قربانیاں دینی پڑتی ہیں جب کہ ملکی حالات ہمارے سامنے ہیں اس لیے ہمیں اختلافات کے بجائے ملک کے لیے سوچنا چاہیے۔
چیف جسٹس پاکستان نے مزید کہا کہ ریاست ماں کی طرح ہوتی ہے اور شہریوں کی حفاظت ریاست کی ذمہ داری ہے جب کہ ہماری ذمہ داری آئین و قانون کے مطابق اداروں کا تحفظ ہے، قانون اور عدالتوں کا احترام کیا جانا چاہیے
انہوں نے کہا کہ ماتحت عدالتوں میں بدتمیزی اور بدنظمی ہے، قانون اور عدالت کا احترام نہ ہوگا تو افراتفری پھیلے گی۔ وسائل اتنے وسیع نہیں ہیں جتنے آپ کی ضرورت ہے لہذا ویڈیو لنک کی سہولت استعمال کریں۔
