اردو ورلڈ کینیڈا ( ویب نیوز)چیئرمین تحریک انصاف عمران خان کی زیر صدارت ٹکٹ ہولڈرز کے اجلاس کی اندرونی کہانی سامنے آگئی۔
اجلاس میں تحریک انصاف نے عوامی پاور شو کرنے کا فیصلہ کیا ہے، جس کے تحت 18 مئی بروز جمعرات مریدکے میں جلسہ ہوگا، جلسے سے سابق وزیراعظم خطاب کریں گے۔ ہولڈرز کو کام سونپ دئیے گئے

چیئرمین تحریک انصاف عمران خان نے ٹکٹ ہولڈرز کو گرفتاریوں سے بچنے کی ہدایت کرتے ہوئے کہا کہ ہمارا جلسہ ہر صورت مرید کے میں ہوگا، دفعہ 144 حکومت کے لیے نہیں تو ہمارے لیے کیوں؟ اجلاس میں گرفتاریوں کی شدید مذمت کی گئی۔
سابق وزیراعظم عمران خان نے پارٹی رہنماؤں اور ٹکٹ ہولڈرز سے پر امید رہنے کا وعدہ کرتے ہوئے کہا کہ دو ہفتے کی بات ہے حالات ٹھیک ہوجائیں گے۔ تحریک انصاف کو ختم کرنے کی سازش ہو رہی ہے، حکومت چاہے کچھ بھی کر لے تحریک انصاف کے خلاف سازش کامیاب نہیں ہو گی۔