اردو ورلڈ کینیڈا ( ویب نیوز ) پی سی انتظامیہ کے عملے میںمزید تبدیلیاں ، پی سی بی انتظامی کمیٹی کے سربراہ نجم سیٹھی نے صحافیوں سے گفتگو کرتے ہوئے کہاکہ چیزوں کو بہتر انداز میں چلانے کے لیے اپنی ٹیم بنا رہا ہوں، آج بھی چند تبدیلیاں ہوئی ہیں۔ انہوں نے کہا کہ انہوں نے کرنل اعظم سے کنسلٹنٹ کے طور پر واپس آنے کی درخواست کی، وہ پی سی بی سے فارغ ہونے کے بعد آئی سی سی میں خدمات انجام دے رہے تھے ۔
یہ بھی پڑھیں
غیر ملکی کوچز کی تقرری کی منظوری لے لی، نجم سیٹھی
انہوں نے مشکل حالات میں بھی بہترین کام کیا۔ ان کی تقرری آئی سی سی نے کی تھی، ہم نے کچھ باصلاحیت آفیشلز کو واپس لایا جو میرے جانے کے بعد برطرف کیے گئے، زیادہ تنخواہ والوں کو کٹوتی کرنے کو کہا گیا، چند نے فیصلہ قبول کیا اور کام کرتے رہیں گے۔سابق میڈیا ڈائریکٹر امجد بھٹی کو واپس لانے کے سوال پر انہوں نے صحافی سے سوال کیا کہ آپ کیا چاہتے ہیں؟ مجھے لگتا ہے کہ ان کے میڈیا سے بہت اچھے تعلقات رہے ہیں، جب دوبارہ پوچھا گیا تو نجم سیٹھی نے کہا کہ وہ آرہے ہیں ۔
