آئی ایس پی آرکے مطابق آرمی چیف جنرل سید عاصم منیر کی زیر صدارت جی ایچ کیو میں 82ویں فارمیشن کمانڈرز کانفرنس منعقد ہوئی جس میں مسلح افواج کے افسران اور جوانوں نے شرکت کی اجلاس میں اداروں اور پاکستانی شہریوں سمیت شہداء کی عظیم قربانیوں کو زبردست خراج تحسین پیش کیا۔
پاکستان کو غیر مستحکم کرنے والے دہشت گردوں سے ریاست پوری قوت سے نمٹے گی
فارمیشن کمانڈرز کانفرنس کے شرکاء نے کہا کہ ریاست پاکستان کو غیر مستحکم کرنے کے لیے دشمن قوتوں کے اشارے پر کام کرنے والے تمام دہشت گردوں، سہولت کاروں اور اکسانے والوں سے پوری قوت سے نمٹے گی۔
فورم نے بھارت کی طرف سے غیر قانونی طور پر مقبوضہ جموں و کشمیر میں عوام پر ظلم و جبر پر تشویش کا اظہار کیا اور بھارتی افواج کی طرف سے انسانی حقوق کی مسلسل خلاف ورزیوں کی مذمت کرتے ہوئے کہا کہ پاکستان کشمیریوں کی سیاسی، سفارتی اور اخلاقی حمایت جاری رکھے ہوئے ہے۔
فورم نے اس بات کا بھی اعادہ کیا کہ مسئلہ کشمیر کا مستقل حل اقوام متحدہ کی قراردادوں کے
مطابق کشمیریوں کو حق خودارادیت دینے میں ہی مضمر ہے۔
آئی ایس پی آر کے مطابق فارمیشن کمانڈرز نے فلسطینی عوام کی پاکستان کی مکمل سیاسی، سفارتی اور اخلاقی حمایت کا اعادہ کیا اور مسئلہ فلسطین پر پاکستان کے اصولی موقف کا اعادہ کیا کہ پاکستان مسئلہ فلسطین کے دو ریاستی حل کے لیے پرعزم ہے
آئی ایس پی آر کے مطابق کانفرنس کے شرکاء کا کہنا تھا کہ ‘ملک کو درپیش چیلنجز کے باوجود گزشتہ چند ماہ سے پاکستان میں بے چینی اور غیر یقینی کی صورتحال میں کمی دیکھنے میں آئی ہے
فورم نے اس بات کا اعادہ کیا کہ "انشاء اللہ، اپنے ذاتی مقاصد کے حصول کے لیے مایوسی پھیلانے والے بعض عناصر کی کوششوں کو ثابت قدمی اور جاری کیے گئے مثبت اقدامات کے تسلسل کے ذریعے پاکستانی عوام کی بھرپور حمایت سے شکست دی جائے گی
