76
اردوورلڈ کینیڈا( ویب نیوز)حماس کے سربراہ اسماعیل ھنیہ کی نماز جنازہ ایران کے دارالحکومت تہران میں ادا کی گئی۔اسماعیل ہنیہ کی نماز جنازہ ایران کے سپریم لیڈر آیت اللہ خامنہ ای نے پڑھائی۔ نماز جنازہ میں خواتین سمیت ہزاروں افراد نے شرکت کی جنازے کے شرکاء نے فلسطینی پرچم بھی اٹھا رکھے تھے۔
اسماعیل ہنیہ کو جمعے کو قطر کے دارالحکومت دوحہ میں سپرد خاک کیا جائے گا۔ فلسطین کی مزاحمتی تنظیم حماس کے سربراہ اسماعیل ہنیہ گزشتہ روز اسرائیلی حملے میں شہید ہو گئے تھے۔ اسماعیل ہنیہ ایرانی صدر کی تقریب حلف برداری میں شرکت کے لیے تہران گئے تھے۔ اسماعیل ہنیہ کی شہادت پر ایران میں 3 روزہ سوگ منایا جا رہا ہے۔
اسماعیل ہانیہ کی شہادت پر امت مسلمہ میں غم کی لہر دوڑ گئی۔ فلسطین اور لبنان سمیت کئی ممالک میں احتجاجی مظاہرے کیے گئے۔
