صحافیوں سے بات کرتے ہوئے صدر ٹرمپ نے کہا کہ اگر چین امریکہ کو میگنےٹ فراہم نہیں کرتا تو ہمیں ان پر 200 فیصد ٹیرف عائد کرنا پڑے گا۔انہوں نے کہا کہ ہمارے پاس ٹیرف کی طاقت ہے اور اگر ہم 100 یا 200 فیصد ٹیرف لگاتے ہیں تو چین کے ساتھ کوئی کاروبار نہیں ہوگا۔ اگر ہمیں ایسا کرنا پڑے تو ہمیں کوئی پریشانی نہیں ہوگی۔ٹرمپ نے تسلیم کیا کہ اس طرح کے بھاری محصولات سے دونوں ممالک کے درمیان تجارتی تعلقات کے خاتمے کے خدشات بڑھ سکتے ہیں۔ٹرمپ نے کہا کہ چین کی طرح امریکہ کے پاس مقناطیس کے معاملے پر طاقت ہے لیکن امریکہ کے پاس ایسے اختیارات ہیں جو اگر استعمال کیے گئے تو چین کو تباہ کر دے گا۔ٹرمپ کا یہ بیان ایک ایسے وقت میں سامنے آیا ہے جب دونوں ممالک کے درمیان تجارتی کشیدگی بڑھ رہی ہے۔یاد رہے کہ چین کے پاس دنیا کی میگنیٹ مارکیٹ کا 90 فیصد حصہ ہے جو جدید ٹیکنالوجی بشمول سیمی کنڈکٹر چپس اور اسمارٹ فونز جیسی مصنوعات میں اہم کردار ادا کرتا ہے۔اپریل میں، چین نے کئی نایاب زمینی معدنیات اور میگنےٹ کو اپنی برآمدی پابندیوں کی فہرست میں شامل کرکے جوابی کارروائی کی۔