ارد وورلڈ کینیڈا ( ویب نیوز )انسداد دہشت گردی کی عدالت گوجرانوالہ نے چیف سیکرٹری کو دھمکیاں دینے کے کیس میں وزیر داخلہ رانا ثنا اللہ پر فرد جرم عائد کرنے کا فیصلہ کیا ہے۔

وفاقی وزیر داخلہ رانا ثنا اللہ کے خلاف تھانہ انڈسٹریل ایریا گجرات میں درج انسداد دہشت گردی کے مقدمے کی سماعت ہوئی، رانا ثنا اللہ کے وکیل عبدالمجید عدالت میں پیش ہوئے، وزیر داخلہ کے خلاف کاروباری اداروں کو دھمکیاں دینے اور چیف سیکرٹری کو قتل کرنے کے الزام میں پر مقدمہ درج کیا گیا تھا

رانا ثنا اللہ کے وکلا کی جانب سے  عد م حاضری کی استدعا کی گئی، عدالت نے درخواست منظور کرتے ہوئے سماعت 28 جون تک ملتوی کرتے ہوئے کہا کہ 28 جون کو وفاقی وزیر داخلہ پر فرد جرم عائد کی جائے گی۔

قبل ازیں گجرات پولیس نے مقدمہ خارج کرتے ہوئے حوالگی کی رپورٹ عدالت میں جمع کرائی، عدالت نے پولیس رپورٹ کو مسترد کرتے ہوئے ملزم کے قابل ضمانت وارنٹ گرفتاری جاری کردیئے۔