اردو ورلڈ کینیڈا ( ویب نیوز ) فیس بک کے صارفین اس سے واقف ہوں یا نہ ہوں لیکن لائک بٹن کے بغیر جینا ناممکن ہے۔
اوپر اٹھے انگوٹھے جیسا بٹن بھی مختلف سروسز کے ذریعے استعمال کیا جاتا ہے، لیکن کیا اس کا استعمال قانونی معاہدوں کا پابند ہے؟
کینیڈا کی ایک عدالت نے فیصلہ دیا ہے کہ ا تھمبز اپ ایموجی دستخط کی طرح قانونی ہے اور اس کا استعمال لوگوں کو قانونی معاہدوں کا پابند کرتا ہے۔کینیڈا کے صوبے سسکیچیوان کی ایک عدالت میں ایک کیس کی سماعت ہوئی جس میں اناج خریدنے والے ایک شخص کینٹ مائیکل برو نے مارچ 2021 میں کچھ کمپنیوں کو سن نامی جنس خریدنے کے لیے ٹیکسٹ میسج بھیجا تھا۔
پیغام بھیجنے کے بعد، کینٹ مائیکل کو کمپنی کے ایک اہلکار باب آئشر اور اس کے بیٹے کرس آئشر کی کال موصول ہوئی۔اس کے بعد کینٹ مائیکل نے ایک دستاویز تیار کی جس میں 86 ٹن سن خریدنے کی پیشکش تھی اور اس پر دستخط کیے، اس کی تصویر کھنچوائی اور کرس ایچر کو ٹیکسٹ کیا اور اس سے معاہدے کی تصدیق کرنے کو کہا۔
کرس آئشر نے تھمبزاپ ایموجی کے ساتھ جواب دیا، جسے کینٹ مائیکل نے معاہدے کے اعتراف کے طور پر لیا۔لیکن کمپنی نے مقررہ تاریخ تک معاہدہ نہیں بھیجا کیونکہ قیمت کافی بڑھ گئی تھی اور خریدار کے پاس اس بات کا کوئی ثبوت نہیں تھا کہ اس کی جانب سے معاہدہ پر اتفاق کیا گیا تھا۔مقدمے کی سماعت کے دوران، عدالت نے کہا کہ اگرچہ تھمبز اپ ایموجی معاہدے پر دستخط کرنے کا روایتی طریقہ نہیں ہے، لیکن ایسے حالات میں اس کے استعمال کو دستخط سمجھا جا سکتا ہے۔
عدالت نے کہا کہ اس ایموجی کے استعمال کی وجہ سے معاہدے پر عمل درآمد ضروری تھا تاہم کمپنی نے اس کی خلاف ورزی کی اور اسے 61 ہزار ڈالر سے زائد کا جرمانہ بمعہ سود ادا کرنا ہوگا۔عدالتی فیصلے میں کہا گیا ہے کہ چونکہ ٹیکنالوجی کا استعمال عام ہو چکا ہے اور کینیڈا کے معاشرے کی ایک نئی حقیقت ہے، عدالتیں ایموجیز کے استعمال سے پیدا ہونے والے نئے چیلنجوں کا سامنا کرنے کے لیے تیار ہیں۔
