بھارتی اور عالمی میڈیا نے مقبوضہ کشمیر میں قابض بھارتی فوج میں خودکشی کے بڑھتے ہوئے رجحان پر تشویش کا اظہار کیا ہے۔
رپورٹ کے مطابق جموں و کشمیر میں مودی سرکار کے مظالم سے بھارتی فوجی بھی برہم ہیں، مقبوضہ کشمیر میں تعینات بھارتی فوجیوں کی خودکشی کی شرح تشویشناک حد تک بڑھ گئی ہے۔
کشمیر میڈیا سروس کی رپورٹ کے مطابق مقبوضہ وادی میں 2007 سے اب تک 586 سے زائد بھارتی فوجی خودکشی کر چکے ہیں۔16 نومبر کو ضلع ادھم پور میں خودکشی کرنے والے 38 سالہ نائیک ہریش چندر سنگھ کا تعلق 31 راشٹریہ رائفلز سے ہے۔ تب سے سروس نائک ہریش چندر سنگھ نے اپنے کیمپ میں خود کو گولی مار کر خودکشی کر لی۔
ٹائمز آف انڈیا کے مطابق 15 نومبر 2023 کو بھارتی فوجی راجندر سنگھ نے حیدر آباد میں خود کو گولی مار لی۔
الجزیرہ کے مطابق بھارتی حکومت کی نااہلی اور ناقص پالیسیوں کے باعث بھارتی سیکیورٹی فورسز میں ذہنی تناؤ اور ڈپریشن بڑھ گیا جو بعد میں خودکشی پر ختم ہوتا ہے
خبر رساں ادارے کی رپورٹ کے مطابق مقبوضہ کشمیر میں بھارتی سیکیورٹی فورسز کے نصف سے زائد اہلکار شدید ذہنی دباؤ کا شکار ہیں، کیا مودی سرکار کشمیریوں پر ظلم کرکے کچھ حاصل کر پائے گی یا اپنے ہی فوجیوں کو مزید نفسیاتی مسائل کی طرف دھکیل سکے گی؟
