اردو ورلڈ کینیڈا ( ویب نیوز )  لوگوں کی مدد کرنے کے لیے امریکا میں ایک شخص نے دو لاکھ ڈالر سڑک پر پھینک دئیے  تاہم پولیس نے اس عمل کو خطرناک قرار دے دیا۔

 واقعے کے بعد مصروف ترین شاہراہ پر گاڑیوں کی قطار لگ گئی اور لوگ سڑک پر بکھرے ڈالر جمع کرنے میں مصروف ہوگئے۔ اس طرح گاڑیوں کی لمبی قطاریں لگ گئیں۔

اوریگون اسٹیٹ پولیس کے مطابق، کولن ڈیوس میک کارتھی نے رقم کو کار کی کھڑکی سے باہر پھینک دیا جو یوجین کے علاقے کے قریب انٹراسٹیٹ 5 پر 192 میل کے فاصلے پر تھا۔اگرچہ یہ ایک خطرناک عمل تھا، کولن پر کوئی الزام نہیں لگایا گیا ہے۔ حالانکہ اس پر ہائی وے پر ٹریفک کے بہاؤ میں مداخلت اور جانوں کو خطرے میں ڈالنے کا الزام لگایا جا سکتا تھا۔

یہ بھی پڑھیں

پالتو مچھلی نے مالک کی رقم سے آن لائن خریداری کر ڈالی, دلچسپ واقعہ

جب پولیس کی جانب سے پوچھ گچھ کی گئی تو اس نے کہا کہ یہ بڑی رقم اس کے اپنے اکاؤنٹ کی ہے اور وہ لوگوں کی مدد کرنا چاہتا ہے۔پولیس نے کولن کو سمجھایا کہ اس طرح  سڑک پر پیسے پھینکنا مہلک حادثات کا باعث بن سکتا ہے اور اسی لیے اس نے مزید پیسے نہ پھینکنے کا فیصلہ کیا تھا۔ دوسری جانب پولیس نے عوام سے کہا ہے کہ وہ ہائی وے پر پیسے تلاش نہ کریں کیونکہ یہ ایک خطرناک عمل ہے۔