ishtiaq ahmed 
تفصیلات کے مطابق پاکستان میں 28 مئی کو یوم تکبیر کے نام سے جانا جاتا ہے۔ اس دن پاکستان نے چاغی کے مقام پر یکے بعد دیگرے 5 کامیاب ایٹمی دھماکے کر کے ملکی دفاع کو ناقابل تسخیر بنا دیا۔ اسے اسلامی دنیا کی پہلی ایٹمی طاقت بننے کا اعزاز حاصل ہوا۔
ایٹمی دھماکے کر کے پاکستان نے 7 ممالک کی فہرست میں اپنا نام درج کروا لیا ہے۔ نواز شریف کے دور حکومت میں پاکستان نے 14 مئی 1998 کو بھارت کے ایٹمی دھماکوں کا بھرپور جواب دیا۔ایٹمی دھماکوں نے ملک دشمن قوتوں کو واضح پیغام دیا۔
وزیراعظم پاکستان نے آج یوم تکبیر پر عام تعطیل کا اعلان کیا، تعطیل کا نوٹیفکیشن بھی جاری کر دیا گیا، جس کے مطابق تمام سرکاری اور نجی ادارے بند رہیں گے جب کہ تعلیمی اداروں اور بینکوں میں بھی چھٹی ہوگی۔
شہباز شریف نے اپنے پیغام میں کہا کہ یوم تکبیر قومی دفاع کو ناقابل تسخیر بنانے کے لیے اتحاد کی یاد دلاتا ہے۔ آئیے عہد کریں، ہم 9 مئی جیسے واقعات کے ذریعے انتشار پھیلانے والے عناصر کی بدنیتی کو ناکام بنائیں گے۔
39
