صحافیوں سے بات کرتے ہوئے پولیس نے کہا کہ یہ کارروائی پروجیکٹ اسپیکٹر اور پروجیکٹ پیرانائیڈ کے تحت کی گئی۔ پروجیکٹ سپیکٹر اپریل 2023 میں شروع کیا گیا تھا اور اس کا مرکز منشیات کے اسلحے کے اسمگلروں کے گرد تھا۔
تفتیش کے دوران اسلحہ اسمگلروں سے خریدار کے طور پر رابطہ کرنے والے پولیس افسران چھ بندوقیں خریدنے میں کامیاب ہوئے جبکہ بھاری مقدار میں منشیات بھی حاصل کر لی۔ سٹاف سارجنٹ پولین گرے نے کہا کہ پروجیکٹ سپیکٹر پر کام جاری تھا، چوری شدہ گاڑیوں کی ترسیل کے حوالے سے الگ تفتیش شروع کی گئی۔ پولیس کے مطابق سات افراد کو گرفتار کیا گیا ہے جن کے خلاف مجموعی طور پر 150 الزامات عائد کیے گئے ہیں۔ ہالٹن ریجن پولیس نے پروجیکٹ پیراونائیڈ کے تحت 20 گاڑیوں کو ضبط کرنے میں بھی مدد کی۔
یہ گاڑیاں، جن کی کل مالیت $1 ملین ہے، برلنگٹن میں ایک شپنگ مقام سے برآمد کی گئیں۔ اس کے علاوہ ٹورنٹو اور مونٹریال سے کینیڈا بارڈر سروسز ایجنسی کی مدد سے 20 گاڑیاں ضبط کی گئیں۔ پانچ گاڑیاں خفیہ ایجنٹوں نے خریدی تھیں جبکہ تین کو سرچ وارنٹ کی بنیاد پر برآمد کیا گیا تھا