اردو ورلڈ کینیڈا ( ویب نیوز ) توشہ خانہ کیس میں الیکشن کمیشن کی شکایت مسترد کرتے ہوئے چیئرمین پی ٹی آئی عمران خان نے آج حاضری سے استثنیٰ کی درخواست دائر کردی۔
توشہ خانہ کیس میں اسلام آباد کی ڈسٹرکٹ اینڈ سیشن عدالت نے عمران خان پر فرد جرم عائد کرنے کے لیے آج طلب کر رکھا ہے۔ عمران خان کی درخواست پر اسلام آباد ہائی کورٹ نے ناقابل ضمانت وارنٹ معطل کرتے ہوئے انہیں آج پیش ہونے کا حکم دے دیا۔
عمران خان کے وکیل خواجہ حارث نے ڈسٹرکٹ اینڈ سیشن عدالت میں دلائل دیتے ہوئے کہا کہ ایسا نہیں ہے کہ عمران خان جان بوجھ کر پیش نہیں ہو رہے، ہم نے اسلام آباد ہائی کورٹ اور لاہور ہائی کورٹ میں درخواستیں دائر کر رکھی ہیں، عمران خان کو سیکیورٹی دی جائے۔ ، عمران خان پر قاتلانہ حملہ ہوا اور وہ زخمی بھی ہوئے۔ وکیل خواجہ حارث نے عمران خان کے خلاف الیکشن کمیشن کی شکایت کو ناقابل سماعت قرار دینے کی بھی استدعا کی۔
یہ بھی پڑھیں
توشہ خانہ کا ریکارڈ پبلک۔زرداری۔عمران۔نواز شریف سمیت کون کون مستفید ہوا؟
خواجہ حارث نے استدعا کی کہ وارنٹ گرفتاری جاری کرنے سے پہلے کیس کا فیصلہ کیا جائے۔ عمران خان کے وارنٹ گرفتاری جاری نہیں ہو سکتے۔ الیکشن کمیشن نے عمران خان کے خلاف شکایت درج نہیں کی۔ صرف ہدایات دی گئیں کہ عمران خان کے خلاف کارروائی کی جائے۔عمران خان کے وکلا نے فرد جرم کی مخالفت کرتے ہوئے دلائل دیتے ہوئے کہا کہ عمران خان کو نوٹس جاری کیے جائیں گے .
ناقابل ضمانت وارنٹ جاری ہو سکتے ہیں، اسلام آباد ہائی کورٹ نے آج تک وارنٹ گرفتاری منسوخ کرنے کا فیصلہ کیا ہے اور کارروائی قانون کے مطابق آگے بڑھانے کی ہدایت دی گئی ہے۔واضح رہے کہ عمران خان کے خلاف خاتون جج کو دھمکیاں دینے اور مبینہ بیٹی ٹیریان کو کاغذات نامزدگی میں چھپانے کے مقدمات کی سماعت بھی آج ہو گی۔ سول جج رانا مجاہد رحیم خاتون جج کو ڈرانے دھمکانے کے کیس کی سماعت کریں گے۔ ذرائع کے مطابق ویڈیو لنک کی درخواست کی بنیاد پر اس کیس میں استثنیٰ مانگا جائے گا۔
