ishtiaq ahmed 
اردوورلڈ کینیڈا( ویب نیوز)اسلام آباد ہائی کورٹ نے توشہ خانہ 2 کیس میں پی ٹی آئی کے بانی عمران خان اور بشریٰ بی بی کی جلد ضمانت کی درخواست پر تحریری فیصلہ جاری کر دیا۔ اس کے مطابق ضمانت پر فیصلہ 5 دن کے اندر ہونا ضروری ہے۔
جسٹس میاں گل حسن اورنگزیب نے 3 صفحات پر مشتمل محفوظ کیا گیا فیصلہ جاری کیا جس میں کہا گیا کہ قومی جوڈیشل پالیسی کے مطابق مجسٹریٹ پر 3 دن اور سیشن کورٹ کو 5 دن میں ضمانت پر فیصلہ دینا لازمی ہے۔
عدالتی فیصلے میں کہا گیا کہ قومی عدالتی پالیسی کے مطابق ہائی کورٹ کے لیے 7 دن میں ضمانت پر فیصلہ کرنا ضروری ہے۔
اسلام آباد ہائی کورٹ نے کہا کہ سیشن کورٹ کے لیے د ئیے گئے وقت کا اطلاق خصوصی عدالت پر ہوگا، خصوصی جج مرکزی پالیسی مینڈیٹ کے مطابق ضمانت پر فیصلہ کر سکتا ہے۔
عدالتی فیصلے کے بعد عمران خان اور بشریٰ بی بی کی درخواست ضمانت پر فیصلہ آئندہ 5 دنوں میں آنے کا امکان ہے۔
فیصلے میں کہا گیا کہ درخواست گزار کے مطابق ان کی درخواست ضمانت میں بلا وجہ تاخیر کی جا رہی ہے، درخواست گزار کے وکلا نے درخواست ضمانت پر جلد فیصلہ کرنے کی ہدایت کی ہے۔
1
