اردو ورلڈ کینیڈا ( ویب نیوز ) تجارت کی عالمی جنگ ، امریکی صدر ڈونلڈ ٹرمپ نے چین پر کرنسی میں ہیرا پھیری کا الزام لگایا، لیکن چین نے امریکی ٹیرف کو "غنڈہ گردی” قرار دیدیا ۔
چین نے مزید 18 امریکی کمپنیوں پر پابندیاں عائد کر دی ہیں۔ایک غیر ملکی خبر رساں ایجنسی کے مطابق دونوں ممالک نے ایک دوسرے پر الزامات بھی لگائے ہیں۔جب امریکی صدر ڈونلڈ ٹرمپ نے چین پر کرنسی میں ہیرا پھیری کا الزام لگایا تو چین نے امریکی ٹیرف کو غنڈہ گردی قرار دیا۔دوسری جانب چین نے مزید 18 امریکی کمپنیوں پر بھی پابندیاں عائد کی ہیں اور چین کی وزارت خارجہ کا کہنا ہے کہ چین کو ترقی کے حق سے محروم نہیں کیا جا سکتا۔. چین اپنے جائز حقوق اور مفادات کے تحفظ کے لیے موثر اقدامات کرتا رہے گا۔دریں اثنا، یورپی یونین نے بھی امریکہ پر 25 فیصد کے انتقامی محصولات عائد کرنے کی منظوری دی، جب کہ روس نے امریکی محصولات کو عالمی تجارتی تنظیم کے اصولوں کے خلاف قرار دیا۔روسی وزارت خارجہ کے ترجمان کا کہنا ہے کہ نئے ٹیرف سے ظاہر ہوتا ہے کہ امریکہ بین الاقوامی تجارتی قوانین کا پابند نہیں ہے۔واضح رہے کہ گزشتہ ہفتے امریکی صدر ڈونلڈ ٹرمپ نے دنیا بھر کے مختلف ممالک پر انتقامی محصولات عائد کرنے کا اعلان کیا تھا۔ٹرمپ کی طرف سے عائد کردہ اس ٹیرف نے چین اور امریکہ کے درمیان خاص طور پر شدید تجارتی جنگ کو جنم دیا ہے۔یوم آزادی کے ٹیرف کے بعد، چین پر کل امریکی محصولات بڑھ کر 54 فیصد ہو گئے تھے، جس کے جواب میں چین نے امریکی مصنوعات کی درآمدات اور امریکہ پر دیگر تجارتی پابندیوں پر 34 فیصد ٹیرف کا اعلان کیا۔چین کے اعلان کے بعد صدر ٹرمپ نے کہا کہ اگر چین نے 34 فیصد ٹیرف واپس نہیں لیا تو امریکہ چین پر عائد ٹیرف کو 104 فیصد تک بڑھا دے گا۔. چین پر یہ 104 فیصد ٹیرف کل سے نافذ العمل ہوا۔
