اردوورلڈ کینیڈا ( ویب نیوز) اسلام آباد ایکسپریس وے پر ایک خوفناک ٹریفک حادثے میں 4 افراد ہلاک اور 5 زخمی ہو گئے.
تفصیل کے مطابق راولپنڈی میں اسلام آباد ایکسپریس وے پر ڈھوک کالا خان اسٹاپ کے قریب ایک خوفناک ٹریفک حادثہ پیش آیا جس میں 4 افراد ہلاک اور 5 زخمی ہوگئے, تمام زخمیوں کو فوری ابتدائی طبی امداد کے لیے ہسپتال منتقل کیا گیا.
ترجمان 1122 کا کہنا ہے کہ حادثہ ایک کار اور موٹرسائیکل کے درمیان پیش آیا، 4 زخمیوں کی حالت انتہائی نازک ہے جبکہ مرنے والوں کی لاشوں کو پمز ہسپتال منتقل کر دیا گیا ہے.
ذرائع کے مطابق ٹریفک حادثے میں ہلاک ہونے والے 2 افراد کا تعلق مسیح برادی سے ہے, تمام زخمی افراد کا تعلق بھی مسیح برادری سے ہے جبکہ گاڑی میں سوار تمام افراد نشے کی حالت میں تھے.