اس موقع پر سینٹرل جیل کی سیکیورٹی ہائی الرٹ تھی اور پولیس کی بھاری نفری تعینات تھی۔ جیل میں تین ماہ سے حساس تنصیبات پر حملوں، آتشزدگی اور محاصرے کا مقدمہ چل رہا تھا۔9 مئی کو تحریک انصاف کے کارکنوں نے احتجاج کے دوران حساس تنصیبات پر حملہ کیا تھا۔ مظاہرین کے حملے میں ایک ایس پی سمیت دس پولیس اہلکار زخمی اور ایک شہری جاں بحق جبکہ چار گاڑیوں کی توڑ پھوڑ کی گئی۔

تھانہ کینٹ نے ایس ایچ او مدثر بٹ کی شکایت پر پی ٹی آئی کے ٹکٹ ہولڈرز سمیت 23 نامزد اور 3 سے 400 نامعلوم افراد کے خلاف مقدمہ درج کر لیا۔ پولیس نے ملوث 51 ملزمان کو گرفتار کر لیا۔اس کیس میں عدالت نے شاہ محمود قریشی، مراد سعید، علی امین گنڈا پور سمیت پی ٹی آئی رہنماؤں کی جائیداد ضبط کرنے کا بھی حکم دیا ہے۔ کئی نامزد رہنما عدالتوں سے عبوری ضمانت پر ہیں۔