اردو ورلڈ کینیڈا ( ویب نیوز ) امریکہ کے نو منتخب صدر ڈونلڈ ٹرمپ نے ایک بار پھر غزہ سے یرغمالیوں کو رہا نہ کرنے کی صورت میں خطرناک نتائج کی دھمکی دیدی۔

اپنے پہلے بیان کا حوالہ دیتے ہوئے ٹرمپ نے کہا کہ "بالکل ایسا ہی ہے، اگر میرے عہدہ سنبھالنے تک یرغمالیوں کو رہا نہ کیا گیا تو اس کے نتائج برآمد ہوں گے۔”ٹرمپ نے کہا، "مجھے تفصیلات میں جانے کا یقین نہیں ہے۔ میرا جواب صرف دشمن کو یہ بتانے پر مشتمل نہیں ہوگا کہ ‘ایسا نہ کریں ، جیسا کہ صدر بائیڈن غزہ جنگ کے آغاز سے کر رہے ہیں۔

” انہوں نے کہا کہ میں اسرائیل کے ساتھ ہوں لیکن امن کے ساتھ بھی ہوں۔واضح رہے کہ امریکی ایوان نمائندگان نے ڈونلڈ ٹرمپ کی بطور امریکی صدر جیت کی باضابطہ تصدیق کر دی ہے۔ نائب صدر کملا ہیرس نے اعلان کیا ہے کہ ان کے مدمقابل ڈونلڈ ٹرمپ نے نومبر 2024 کے صدارتی انتخابات میں کامیابی حاصل کر لی ہے۔