اردوورلڈ کینیڈا( ویب نیوز)امریکی صدر ڈونلڈ ٹرمپ کی نئی ٹیرف پالیسی پوری دنیا کو متاثر کر رہی ہے لیکن اس کا پاکستان سمیت ایشیائی ممالک پر سب سے زیادہ اثر پڑے گا۔
ایشیائی ترقیاتی بینک کی جاری کردہ تجزیاتی رپورٹ کے مطابق سب سے زیادہ ٹیکس والے 10 ممالک میں سے پانچ کا تعلق ایشیا سے ہے۔
رپورٹ میں کہا گیا ہے کہ ایشیا کے ترقی پذیر ممالک امریکی محصولات سے سب سے زیادہ متاثر ہونے والوں میں شامل ہوں گے۔
.ایشیائی ترقیاتی بینک کی ایک رپورٹ کے مطابق جنوبی ایشیائی ممالک سری لنکا، بنگلہ دیش اور پاکستان کی مصنوعات پر بالترتیب 44 فیصد، 37 فیصد اور 29 فیصد ٹیرف لگائے گئے ہیں۔
اس طرح پاکستان امریکی محصولات سے متاثر ہونے والے ایشیائی ممالک میں تیسرا بڑا ملک ہے، جب کہ یہ مجموعی طور پر دنیا کا 14 واں بڑا ملک ہے۔
رپورٹ میں کہا گیا ہے کہ امریکہ نے ہندوستانی مصنوعات پر 26 فیصد ٹیکس عائد کیا ہے جبکہ افغانستان، مالدیپ، نیپال اور بھوٹان نے 10 فیصد ٹیکس عائد کیا ہے۔ ایشین بینک کی رپورٹ کے مطابق کمبوڈیا پر ترقی پذیر ایشیائی خطے میں سب سے زیادہ ٹیرف 49 فیصد لگایا گیا ہے۔
واضح رہے کہ امریکی صدر ڈونلڈ ٹرمپ نے تجارتی خسارے کو کم کرنے کی ضرورت کا حوالہ دیتے ہوئے دنیا بھر کے درجنوں ممالک سے درآمدی اشیا پر بھاری ٹیکس عائد کیا ہے۔
