اردو ورلڈ کینیڈا ( ویب نیوز ) امریکی صدر ڈونلڈ ٹرمپ نے عالمی معیشت کو براہ راست متاثر کرنے والا اہم اعلان کرتے ہوئے متعدد ممالک پر 15 سے 50 فیصد تک درآمدی محصولات (ٹیرف) نافذ کرنے کا عندیہ دیا ہے۔
ان کا کہنا ہے کہ یہ اقدامات امریکی صنعت کو تقویت دینے، توانائی کے نرخ کم کرنے اور عالمی تجارتی توازن کو درست کرنے کے لیے ضروری ہیں۔صدر ٹرمپ نے ایک اعلیٰ سطحی مصنوعی ذہانت (AI) سربراہی اجلاس سے خطاب کرتے ہوئے کہا کہ امریکہ اور یورپی یونین کے درمیان اہم تجارتی مذاکرات جاری ہیں۔ چین کے ساتھ ایک نیا اقتصادی معاہدہ جلد طے پا سکتا ہے۔ جاپان نے موجودہ محصولات کو 15 فیصد تک محدود کرنے پر آمادگی ظاہر کی ہے۔* ان ممالک کے لیے ٹیرف میں نرمی کی جائے گی جو امریکہ میں کاروبار کرنے کے لیے دوستانہ رویہ اپناتے ہیں۔مزید برآں، صدر ٹرمپ نے اعلان کیا کہ امریکہ تیل کی قیمتوں میں کمی کے لیے کئی ایشیائی ممالک کے ساتھ توانائی کے معاہدے کرنے جا رہا ہے۔ ان معاہدوں کا مقصد امریکی صارفین کو ریلیف دینا اور توانائی کی فراہمی کو مستحکم کرنا ہے۔
انہوں نے نیٹو ممالک پر زور دیا کہ وہ یوکرین کو دفاعی سازوسامان فراہم کریں، اور اعلان کیا کہ یورپی اتحادی اب امریکہ سے حاصل کردہ فوجی سازوسامان کی 100 فیصد قیمت ادا کریں گے۔سربراہی اجلاس کے دوران صدر ٹرمپ نے مصنوعی ذہانت کے میدان میں امریکہ کی برتری کا دعویٰ کرتے ہوئے کہا کہ "ہم نے AI کی دوڑ کا آغاز کیا، اور ہم ہی اسے جیتیں گے۔ چین پیچھے ہے۔”اختتام پر صدر ٹرمپ نے تین نئے ایگزیکٹو آرڈرز پر دستخط کیے جن کی تفصیلات آئندہ دنوں میں جاری کی جائیں گی۔
