ایف نائن پارک میں خاتون سے زیادتی کرنیوالے دو مبینہ ملزمان ہلاک

288

 

اردو ورلڈ کینیڈا ( ویب نیوز)پولیس نے ایف نائن پارک میں خاتون سے زیادتی کرنے والے دو ملزمان کی ہلاکت کا دعویٰ کیا ہے۔

پولیس کے مطابق اسلام آباد کے سیکٹر D-12 میں پل پر 2 نامعلوم مسلح موٹر سائیکل سواروں نے فائرنگ کی جس کے بعد پولیس کی جوابی فائرنگ سے 2 ملزمان مارے گئے۔

ایف نائن پارک میں مسلح نوجوانوں کی لڑکی سے اجتماعی زیادتی 

پولیس ذرائع کا کہنا ہے کہ ہلاک ملزمان ایف نائن پارک واقعے میں مبینہ طور پر ملوث تھے۔ پولیس نے گزشتہ روز ملزمان کی شناخت کر لی تھی۔ ملزمان نے گرفتاری سے بچنے کے لیے فرار ہونے کی کوشش کی۔ جس کے بعد پولیس کی جوابی فائرنگ سے ملزمان مارے گئے۔

پولیس ذرائع کے مطابق دونوں ملزمان کو مارگلہ پولیس نے تھانہ گولڑہ کے علاقے سے گرفتار کیا، ہلاک ہونے والے ایک ملزم کی شناخت نواب علی اور دوسرے کی اقبال کے نام سے ہوئی ہے۔

یہ بھی پڑھیں

ملزمان کو کہا میرے ساتھ زیادتی تو کر رہے ہو لیکن یہ سمجھنا کہ اپنی ماں یا بہن کے ساتھ کر رہے ہو،ایف نائن پارک میں زیادتی کا شکار لڑکی کا احوال