اردوورلڈ کینیڈا (ویب نیوز) پولینڈ میں ایک واقعہ کے بعد دو کینیڈین شہریوں کی موت ہو گئی ہے۔

گلوبل افیئرز کینیڈا نے تصدیق کی ہے کہ وہ ہلاکتوں سے آگاہ ہے اور مزید معلومات اکٹھا کرنے کے لیے صلاح کار مقامی حکام سے رابطے میں ہیں۔
پولینڈ میں متعدد میڈیا رپورٹس کے مطابق، ایک 23 سالہ شخص کو گھریلو جھگڑے کے بعد کراکو کے ایک پولیس اسٹیشن لے جایا گیا، جب کہ اس کے زخمی 24 سالہ ساتھی کو اسپتال لے جایا گیا۔ ایک خاتون زخموں کی تاب نہ لاتے ہوئے چل بسی۔ بدھ کی صبح پولیس اسٹیشن میں پوچھ گچھ کے دوران، ایک ہتھکڑی والے شخص نے ایک افسر کی بندوق پکڑ کر اپنی جان لے لی۔
پولینڈ کے میڈیا آؤٹ لیٹ فیکٹ نے لکھا کہ اپارٹمنٹ کی عمارت میں متعدد غیر ملکی رہتے ہیں اور ہلاک ہونے والی لڑکی کا تعلق کینیڈا سے تھا اور اس کا ساتھی انگریز یا کینیڈین تھا۔