اردوورلڈ کینیڈا ( ویب نیوز)کینیڈین نیشنل ریلوے CN کی دو مال بردار ٹرینوں کے درمیان شمالی البرٹا کے قصبے ایڈسن کے قریب "سائیڈ سوائپ” تصادم کی تحقیقات جاری ہیں۔ یہ واقعہ اتوار 18 مئی 2025 کی صبح تقریباً 7:15 بجے پیش آیا، جو ایڈمونٹن سے تقریباً 200 کلومیٹر مغرب میں واقع ہے ۔
CN کی ترجمان ایشلے مچنوسکی کے مطابق یہ تصادم کم رفتار سے ہوا جس کے نتیجے میں اناج لے جانے والے کئی ریلوے کے ڈبے پٹری سے اتر گئے۔ خوش قسمتی سے اس واقعے میں کوئی زخمی نہیں ہوا، نہ ہی کوئی آگ لگی ۔
رائل کینیڈین ماؤنٹڈ پولیس (RCMP) کے کارپورل میتھیو ہاؤل کے مطابق، ایک ٹرین اناج جبکہ دوسری بیٹریاں لے جا رہی تھی۔ ابتدائی اطلاعات میں ممکنہ بریک فیل ہونے کا ذکر کیا گیا ہے ۔
کینیڈا کا ٹرانسپورٹیشن سیفٹی بورڈ اس واقعے کی مکمل تحقیقات کر رہا ہے اور اپنی ٹیم جائے وقوعہ پر بھیج چکا ہے ۔ CN نے عوام سے معذرت کی ہے اور کہا ہے کہ اس واقعے سے عوام کو کوئی خطرہ لاحق نہیں ہے تاہم متاثرہ پٹریاں فی الحال بند ہیں ۔
یہ واقعہ کینیڈا میں ریلوے کی حفاظت کے حوالے سے ایک اہم یاد دہانی ہے خاص طور پر اس علاقے میں جہاں 1986 میں ہنٹن ٹرین حادثے میں 23 افراد ہلاک ہوئے تھے ۔
