لاہور سے نو منتخب رکن قومی اسمبلی اور پی ٹی آئی لاہور کے جنرل سیکرٹری وسیم قادر نے مسلم لیگ (ن) میں شمولیت اختیار کی۔ مریم نواز شریف نے وسیم قادر کے فیصلے کا خیر مقدم کیا.
وسیم قادر نے پاکستان مسلم لیگ (ن) کے سینئر نائب صدر اور چیف آرگنائزر مریم نواز شریف سے ملاقات کی۔ اس موقع پر مسلم لیگ (ن) کے رہنما ملک سیف الملوک کھوکھر بھی موجود تھے.
وسیم قادر نے پاکستان مسلم لیگ (ن) کے رہنما محمد نواز شریف پر مکمل اعتماد کا اظہار کیا اور کہا کہ وہ حلقے کے عوام اور دوستوں کی مشاورت سے مسلم لیگ (ن) میں شامل ہو رہے ہیں.
اسی دوران پنجاب اسمبلی حلقہ پی پی 97 چنیوٹ کے کامیاب آزاد امیدوار محمد ثاقب خان چادر نے بھی مسلم لیگ (ن) میں شمولیت اختیار کی.
محمد ثاقب خان نے پاکستان مسلم لیگ (ن) کے صدر شہباز شریف سے ملاقات کی اور پارٹی میں شمولیت کا اعلان کیا.
شہباز شریف نے محمد ثاقب خان چادر کے فیصلے کا خیر مقدم کیا اور مبارکباد دی۔ محمد ثاقب خان 42 ہزار 959 ووٹ لے کر کامیاب ہوئے.