اردوورلڈ کینیڈا ( ویب نیوز ) یوگنڈا کے 43 سالہ بولر نے امریکا اور ویسٹ انڈیز میں جاری ٹی ٹوئنٹی ورلڈ کپ میں نئی تاریخ رقم کردی۔گزشتہ روز کھیلے گئے میچ میں یوگنڈا نے پاپوا نیو گنی کو 3 وکٹوں سے شکست دے کر ٹورنامنٹ جیت لیا۔کم یقینی میچ میں 78 رنز کے ہدف کے تعاقب میں ایک موقع پر پاپوا نیو گنی کے خلاف یوگنڈا کی 5 وکٹیں صرف 26 رنز پر گرگئیں تاہم ریاضت علی شاہ کی 33 رنز کی شاندار اننگز کی بدولت یوگنڈا نے ہدف 19ویں اوور میں حاصل کر لیا۔
یہ بھی پڑھیں
ٹی 20 ورلڈ کپ،جیتنے والی ٹیم کو 70 کروڑ روپے ملیں گے
اس میچ میں پاپوا نیو گنی نے انتہائی کم ٹوٹل کا دفاع کرنے کی پوری کوشش کی لیکن ساتھ ہی غلط فیلڈنگ، ڈراپ کیچز اور 15 وائیڈ گیندیں کی ٹیم کے لیے بہت مہنگی ثابت ہوئیں۔یہ کامیابی نہ صرف یوگنڈا کے لیے تاریخی تھی بلکہ یوگنڈا کے 43 سالہ اسپنر فرینک سبگا نے بھی میچ میں نئی تاریخ رقم کی۔فرینک سبگا نے ٹی ٹوئنٹی ورلڈ کپ کی تاریخ کا بہترین اسپیل بولا، 4 اوورز کے اپنے کوٹے میں صرف 4 رنز دے کر 2 وکٹیں حاصل کیں اور دو اوور میڈنز بنائے۔
