اردو ورلڈ کینیڈا ( ویب نیوز ) یوکرین نے روسی کیمیکل ٹینکر پر ڈرون حملہ کیا ہے۔

غیر ملکی میڈیا کے مطابق روسی ٹینکر کو آبنائے کرچ میں یوکرین کے ڈرون نے نشانہ بنایا۔ ڈرون حملے کے بعد کریمیا کو روس سے ملانے والے پل کو کچھ دیر کے لیے بند کر دیا گیا تھا۔

روسی حکام کا کہنا ہے کہ یوکرین کے ڈرون حملے سے ٹینکر کو نقصان پہنچا تاہم تیل نہیں گرا۔ حملے کے وقت روسی آئل ٹینکر میں عملے کے 11 ارکان سوار تھے۔ ٹوٹے ہوئے شیشے سے عملے کے چند ارکان زخمی ہو گئے۔اطلاعات کے مطابق امریکہ نے اس روسی ٹینکر پر شامی صدر بشار الاسد کی حمایت کرنے والی روسی افواج کو جیٹ فیول سپلائی کرنے پر پابندی عائد کر دی ہے۔