252
اردو ورلڈ کینیڈا ( ویب نیوز )وزیراعلیٰ پنجاب چوہدری پرویز الٰہی اور اپوزیشن لیڈر حمزہ شہباز شریف کی مشاورت کا وقت گزر گیا، پنجاب میں نگران وزیراعلیٰ کے نام پر اتفاق نہ ہوسکا۔
دونوں رہنماؤں کی جانب سے نام فائنل نہ ہونے کی صورت میں معاملہ اب پارلیمانی کمیٹی کے پاس جائے گا۔ اگر کمیٹی بھی ناکام ہوئی تو الیکشن کمیشن نگران وزیراعلیٰ پنجاب کا تقرر کرے گا۔
یہ بھی پڑھیں ۔۔۔
پنجاب میں نگران وزیر اعلیٰ کا تقرر کیسے ہوگا؟حکومت اور اپوزیشن متفق نہ ہوئے تو کیاہوگا؟
دریں اثناء گورنر پنجاب محمد بلیغ الرحمان نے سوشل میڈیا ویب سائٹ ٹوئٹر پر اپنے پیغام میں کہا کہ آئین کے آرٹیکل A2241 کے تحت نگراں وزیراعلیٰ کی تقرری کے لیے وزیراعلیٰ پنجاب اور اپوزیشن لیڈر کے درمیان نام پر اتفاق نہیں ہو سکا۔
گورنر پنجاب نے کہا کہ میری جانب سے سپیکر کو خط جاری کیا گیا ہے کہ وہ آئین کے آرٹیکل اے 2224 کے تحت نگراں وزیراعلیٰ کی تقرری کا آئینی عمل آگے بڑھائیں۔
