ishtiaq ahmed 
اردوورلڈ کینیڈا( ویب نیوز)وزیراعظم کے اقتصادی منصوبے کے تحت ترسیلات زر کو 60 ارب ڈالر تک بڑھانے کا ہدف مقرر کیا گیا ہے۔
ذرائع کے مطابق 26 کمیونٹی ویلفیئر اتاشی آئندہ ماہ خلیجی ممالک سمیت یورپی ممالک میں تعینات کیے جائیں گے۔ ترسیلات زر کو 2034 تک 32 ارب ڈالر سے بڑھا کر 60 ارب ڈالر تک پہنچانے کا ہدف مقرر کیا گیا ہے۔
وزارت خزانہ کے ذرائع کا کہنا ہے کہ سول ملٹری فورم (SIFC) OWCs کے لیے اہم کردار ادا کر رہا ہے۔ سمندر پار پاکستانیوں کو ٹیکنالوجی زونز میں سرمایہ کاری کے لیے مراعات اور تحفظ ملے گا۔
خلیجی ممالک سمیت یورپ سے ترسیلات زر کا ہدف بڑھانے کے لیے اقدامات کیے جا رہے ہیں، ترسیلات زر میں ہر سال 10 فیصد سے زائد اضافہ کیا جائے گا، سعودی عرب، دبئی، قطر، انگلینڈ، نیویارک اور دیگر ممالک میں 26 کمیونٹی ویلفیئر اتاشی تعینات کیے جائیں گے۔ .
وزارت خزانہ کے ذرائع کے مطابق 6 اتاشی سعودی عرب، 2 دبئی، 2 قطر اور دیگر یورپی ممالک سمیت دیگر ممالک میں تعینات کیے جائیں گے۔
وزارت خزانہ کے ذرائع کا مزید کہنا ہے کہ تکنیکی پروگراموں اور تربیت کے لیے ملک میں 50 سے زائد نئے اسکلڈ سینٹرز قائم کیے جا رہے ہیں، کمیونٹی ویلفیئر اتاشی روزگار کے مواقع، نئے کاروبار، نئی مارکیٹیں اور نئی منزلیں تلاش کریں گے۔
19
