اردو ورلڈ کینیڈا ( ویب نیوز ) یونائیٹڈ کنزرویٹو پارٹی (UCP) کی پالیسیوں کے خلاف کیلگری سٹی ہال کے سامنے احتجاج ۔

کیلگری سٹی ہال کے سامنے "Enough is Enough UCP” کے عنوان سے ایک احتجاجی ریلی منعقد ہوئی، جس میں سینکڑوں افراد نے یونائیٹڈ کنزرویٹو پارٹی (UCP) کی پالیسیوں کے خلاف آواز اٹھائی۔ احتجاج کے شرکاء نے شرکاء نے نعرے لگائے "ڈینیئل کو جانا ہوگا” اور "یہ میرا البرٹا نہیں ہے” کے نعرے لگائے جو ان کی حکومت کے خلاف ناراضگی اور مایوسی کو ظاہر کرتے ہیں یہ احتجاج صوبے بھر میں مختلف شہروں میں منعقد ہونے والے متعدد مظاہروں کا حصہ تھا، جن میں ایڈمنٹن، لیٹھ برج، میڈیسن ہیٹ، ریڈ ڈیئر، گرینڈ پریری، سلوان لیک اور ورمیلیئن شامل ہیں۔ مظاہرین نے کہا کہ صوبے میں صحت کا کوئی نظام نہیں ، تعلیمی اداروں میں فنڈز کی اور اساتذہ کی کمی کے باعث تعلیمی نظام تباہ ہو رہا ہے ،کان کنی کی اجازت دینا کسی صورت قبول نہیں ،اس بل کے ذریعے حکومت کو مقامی حکومتوں کے عہدیداروں کو برطرف کرنے اور بلدیاتی قوانین کو منسوخ کرنے کا اختیار حاصل ہوگا، مظاہرین نے کہا کہ حتجاج صرف آغاز ہے اور وہ مستقبل میں مزید مظاہروں کا انعقاد کریں گے تاکہ حکومت کو جوابدہ ٹھہرایا جا سکے۔ انہوں نے کہا کہ "ہمیں اس لڑائی کا آغاز نہیں کیا، لیکن جب کوئی ہمارے ساتھ ایسا سلوک کرے گا تو ہم جواب دیں گے۔”