اردوورلڈ کینیڈا( ویب نیوز)سابق وزیراعظم شاہد خاقان عباسی نے کہا کہ جب تک ملک آئین کے مطابق نہیں چلے گا ہم آگے نہیں بڑھ سکتے۔
سابق وزیراعظم شاہد خاقان عباسی نے نجی ٹی وی کے پروگرام میں گفتگو کرتے ہوئے کہا کہ یہ حقیقت ہے کہ ملک آئین کے مطابق نہیں چل رہا، دنیا بھر میں مسائل بات چیت سے حل ہوتے ہیں۔
شاہد خاقان عباسی نے مزید کہا کہ سیاستدانوں اور عدلیہ نے جو کچھ کیا وہ کسی سے ڈھکا چھپا نہیں، تمام ادارے اپنی حدود میں رہ کر کام کریں۔