بے لگام مہنگائی اور کم تنخواہوں سے جینا مشکل ہوگیا،ایف بی آر نے وزیر اعظم سے کرپشن کی اجازت مانگ لی

135

اردو ورلڈ کینیڈا ( ویب نیوز)بے لگام مہنگائی اور کم تنخواہوں سے جینا مشکل ہوگیا، ایف بی آر ان لینڈ ریونیو ملازمین نے وزیراعظم کو خط لکھ کر کرپشن کی اجازت مانگ لی۔

وزیراعظم کو لکھے گئے خط میں ایف بی آر ان لینڈ ریونیو ملازمین نے کہا ہے کہ شدید مہنگائی کے باعث تنخواہوں سے گھریلو اخراجات پورے نہیں ہو رہے۔ ایف بی آر کو ان لینڈ ریونیو ملازمین کے لیے ایگزیکٹو الاؤنس فراہم کرنے کی منظوری دیں۔
خط میں کہا گیا ہے کہ مہنگائی اور بڑھتے ہوئے اخراجات کی وجہ سے مستقبل کے لیے پیسے بچانے کے ساتھ ساتھ کروڑوں روپے کا قرضہ چڑھ رہا ہے پیسے کمانے کا غیر قانونی طریقہ ہی بچا ہے۔