اردو ورلڈ کینیڈا ( ویب نیوز )اونٹاریو کے کئی حصوں میں 60 سینٹی میٹر تک برف باری متوقع ہے ۔اس ہفتے اونٹاریو کے کئی حصوں میں سردی کی گرفت مضبوط ہونے والی ہے۔ اتوار کی رات تک صوبے کے شمالی اور جنوبی علاقوں میں 60 سینٹی میٹر تک برفباری کا امکان ہے۔
انوائرمنٹ کینیڈا نے جھیل ایری اور جھیل اونٹاریو کے مشرقی سرے کے ساتھ ساتھ جھیل ہورون اور جارجین بے کے علاقوں کے لیے شدید برف باری کی وارننگ جاری کی ہے۔اس کے ساتھ ساتھ لوگوں کو احتیاطی تدابیر اختیار کرنے کو بھی کہا گیا ہے۔ اس ہفتے کے آخر میں ان علاقوں میں برفانی طوفان کی وارننگ بھی جاری کی گئی ہے۔
کینیڈا کی موسمیاتی ایجنسی نے نیاگرا، کنگسٹن،پرنس ایڈورڈ، گرے بروس اور پیری ساؤنڈ مسکوکا کے لیے اتوار کی رات تک 60 سینٹی میٹر تک برفباری کا بھی انتباہ دیا ہے۔ انوائرمنٹ کینیڈا نے ان علاقوں میں ڈرائیوروں سے کہا ہے کہ وہ گاڑی چلاتے وقت احتیاط برتیں، اور یہ بھی خبردار کیا ہے کہ انہیں برفانی طوفانوں کی وجہ سے سڑک کی خرابی اور مرئیت میں کمی کا سامنا کرنا پڑ سکتا ہے۔ جی ٹی اے اور بیری ایریا سے ملحقہ علاقوں میں 15 سے 20 سینٹی میٹر تک برف پڑ سکتی ہے۔
ٹورنٹو صوبے کے سب سے زیادہ متاثرہ علاقوں میں شامل ہے تاہم زیادہ برفباری کا کوئی امکان نہیں ہے۔ لیکن درجہ حرارت نمایاں طور پر گر سکتا ہے۔ اس دوران بفیلو میں بھی برفانی طوفان کی پیش گوئی کی گئی ہے۔ نیویارک کی گورنر کیتھی ہچنز نے طوفان سے قبل جمعرات کو ہنگامی حالت کا اعلان کر دیا۔