امریکی میڈیا نے تین اسرائیلی حکام کا حوالہ دیتے ہوئے کہا کہ دوحہ پر میزائل داغے جانے سے پہلے امریکہ کو اس حملے کی اطلاع دی گئی تھی۔اسرائیلی حکام نے امریکی میڈیا کو بتایا کہ نیتن یاہو اور ٹرمپ نے پہلے سیاسی سطح پر بات کی اور پھر فوجی حکام کے ذریعے معلومات فراہم کی گئیں۔اسرائیلی حکام کا کہنا تھا کہ امریکا صرف ڈرامہ کر رہا ہے، اگر صدر ٹرمپ چاہتے تو حملہ روک سکتے تھے، لیکن انھوں نے ایسا نہیں کیا اور اگر ٹرمپ حملے کی مخالفت کرتے تو اسرائیل قطر پر حملے کا فیصلہ ترک کر دیتا۔یاد رہے کہ اسرائیل نے 9 ستمبر کو دوحہ میں حماس کی قیادت کو نشانہ بنایا تھا۔دوحہ حملے کے بعد وائٹ ہاؤس کا کہنا تھا کہ اسرائیل کے میزائل فضا میں گرنے پر امریکا کو اطلاع دی گئی تھی اور اس وقت صدر ٹرمپ کے پاس اعتراض کا کوئی موقع نہیں تھا۔