اردو ورلڈ کینیڈا ( ویب نیوز ) امریکہ کے دونوں صدور اس سال 5 نومبر کو ہونے والے امریکی انتخابات میں 4 سالوں میں پہلی بار آمنے سامنے ہوئے. بائیڈن اور ٹرمپ اس انتخابی بحث میں امریکی عوام کو اپنے منشور کے حوالے سے قائل کرنے کی کوشش کر رہے ہیں۔انتخابی بحث میں سابق صدر ڈونلڈ ٹرمپ نے کہا کہ موجودہ حکومت کی غلط پالیسیوں کی وجہ سے امریکہ کا اب دوسرے ممالک میں احترام نہیں کیا جاتا ۔
سابق صدر ڈونلڈ ٹرمپ نے کہا کہ امریکہ دوسرے ممالک کے لیے بہت کچھ کرتا ہے لیکن وہ ہمارے لیے کچھ نہیں کرتا، امریکہ اب تیسری دنیا کا ملک بن چکا ہے، کوئی ہمارا احترام نہیں کرتا اور یہ سب موجودہ حکومت کی کمزور خارجہ پالیسیوں کا نتیجہ ہے ۔افغانستان سے امریکی افواج کے انخلاء پر ڈونلڈ ٹرمپ نے کہا کہ میں وقار کے ساتھ اس جنگ سے اپنی افواج کو نکالنا چاہتا ہوں لیکن جو بائیڈن کی انتظامیہ کے دوران امریکی افواج کا افغانستان سے نکلنا امریکی تاریخ کا شرمناک دن تھا۔
ڈونلڈ ٹرمپ نے کہا کہ اگر دوسری مدت کے لیے صدر منتخب ہوئے تو وہ ملازمت کے بہتر مواقع پیدا کریں گے اور لوگوں کے لیے گھر حاصل کرنا آسان بنائیں گے۔سابق صدر نے کہا کہ کورونا عالمی وبا میں سب سے زیادہ اموات بائیڈن کی انتظامیہ کے دوران ہوئیں،موجودہ امریکی صدر جو بائیڈن نے کہا کہ جب میں صدر بنا تو معاشی صورتحال بہت خراب تھی، ٹرمپ کی پالیسیوں سے صرف امیروں کو ہی فائد ہ ہوا ۔
