اردو ورلڈ کینیڈا ( ویب نیوز ) غیر ملکی میڈیا کے مطابق جمعہ کے روز واٹ کام کاؤنٹی، واشنگٹن، امریکہ میں شہد کی مکھیوں سے بھرا ٹرک الٹ گیا اور 250 ملین شہد کی مکھیاں ہوا میں پھیل گئیں ۔
زرائع کے مطابق یہ ٹرک 30 ہزار کلو گرام سے زائد شہد کی مکھیوں کے چھتے لے کر دوسری جگہ جا رہا تھا۔رپورٹ کے مطابق اتنی بڑی تعداد میں شہد کی مکھیوں کے چھوڑے جانے کے بعد پولیس اور انتظامیہ نے لوگوں کو ٹرک الٹنے والے علاقے سے دور رہنے اور شہد کی مکھیوں سے بچنے کی ہدایات جاری کیں۔حکام کا یہ بھی کہنا ہے کہ ماہرین اور شہد کی مکھیاں پالنے والے شہد کی مکھیوں پر قابو پانے کے لیے اقدامات کر رہے ہیں اور امید کرتے ہیں کہ شہد کی مکھیاں جلد ہی اپنے چھتے میں واپس آجائیں گی۔کئی حکام اور صحافیوں کو مکھیوں نے کاٹ لیا، کوئی سنگین زخمی نہیں ہوا۔ مقامی حکام نے عوام کو 24 سے 48 گھنٹوں تک علاقے سے دور رہنے کی ہدایت کی، خاص طور پر ان افراد کو جو مکھیوں کے کاٹنے سے الرجی رکھتے ہیں۔ ماہرین کا کہنا ہے کہ اگرچہ اس حادثے سے بہت سی مکھیاں ضائع ہو گئیں، لیکن کچھ مکھیاں نئی کالونیاں تشکیل دے سکتی ہیں، جو مستقبل میں پولینیشن میں مددگار ثابت ہوں گی
مکھیوں کو کہا لے جایا جا رہا تھا ؟
ٹرک میں لدی تقریباً 25 کروڑ شہد کی مکھیاںامریکی ریاست جارجیا یا جنوبی امریکہ سے لائی گئی تھیں اور انہیں، واشنگٹن ریاست کے مقامی کھیتوں میں پھل دار درختوں — خاص طور پر سیب اور چیری — کی فصلوں میں پولینیشن (پودوں کے پھولوں کو زرخیز بنانے) کے لیے منتقل کی جا رہی تھیں۔
