ایران اسرائل پر دوبارہ حملہ نہ کرے،امریکہ کا انتباہ

13

اردو ورلڈ کینیڈا ( ویب نیوز ) امریکہ نے کہا کہ اگر ایران اسرائیل پر حملہ کرتا ہے تو وہ اسرائیل کو جوابی کارروائی سے نہیں روک سکے گا۔امریکی میڈیا نے چند روز قبل اطلاع دی تھی کہ ایران 5 نومبر کو ہونے والے امریکی صدارتی انتخابات سے قبل اسرائیل پر حملہ کر سکتا ہے۔

یہ بھی پڑھیں

ایرانی سپریم لیڈر آیت اللہ خامنہ ای کااسرائیل پر حملے کی تیاری کا حکم

گزشتہ روز ایرانی سپریم لیڈر آیت اللہ خامنہ ای نے کہا تھا کہ امریکہ اور اسرائیل کو ایران کے خلاف اپنے اقدامات کا سخت جواب ملے گا۔تہران میں ایک تقریب میں انہوں نے کہا کہ امریکہ اور صیہونی حکومت سمیت دشمنوں کو معلوم ہونا چاہیے کہ وہ ایران اور مزاحمتی محاذ کے خلاف جو کچھ بھی کریں گے، انہیں سخت ردعمل ملے گا۔دوسری جانب اسرائیلی وزیراعظم نیتن یاہو نے دعویٰ کیا کہ ایران پر حالیہ حملوں کے بعد ایران میں کسی بھی ہدف کو نشانہ بنانا ممکن ہے۔