اردو ورلڈ کینیڈا ( ویب نیوز ) ترک صدر رجب طیب ایردوان نے ترکی کے صدارتی انتخابات کے آخری مرحلے میں کامیابی کے بعد صدارتی محل سے عوام کے ایک بڑے اجتماع سے خطاب کرتے ہوئے کہا کہ آپ نے ہمیں دوبارہ یہ ذمہ داری سونپی ہے، ہم سب مل کر اسے ترکی کی صدی بنائیں گے۔

صدر ایردوان نے کہا کہ آج کوئی نہیں ہارا، آج کا فاتح صرف ترکی ہے، یہ فتح ترکی کے تمام 85 لاکھ شہریوں کی فتح ہے، یہ جمہوریت کی فتح ہے، آئندہ 5 سال کے لیے حکومت کی ذمہ داری سونپنے پر سب کا شکریہ.

یہ بھی پڑھیں

رجب طیب اردوان نے مسلسل دوسری بار صدارتی انتخاب جیت لیا ،حامیوں کا جشن

انہوں نے کہا کہ ترکی کی تاریخ کے اہم ترین انتخابات میں آپ نے ترکی کی صدی کا انتخاب کیا ہے، یہ وقت متحد ہونے اور اکٹھے ہونے کا ہے، اب عمل کرنے کا وقت ہے۔اردگان نے کہا کہ (آج) پیر کو سلطنت عثمانیہ کو استنبول کو فتح کیے 570 سال ہو جائیں گے، یہ ہماری تاریخ کا ایک اہم موڑ تھا جس نے ایک صدی ختم کر کے ایک نئے باب کا آغاز کیا۔ ترک صدر کا کہنا تھا کہ ہماری اولین ذمہ داری ہے کہ 6 فروری کے زلزلے میں تباہ ہونے والے شہروں کو آباد کریں، ہم لوگوں کی زندگیاں بہتر کریں گے اور مہنگائی کم کریں گے۔