اردو ورلڈ کینیڈا ) ویب نیوز )ترکی میں صدارتی انتخابات کے دوسرے مرحلے میں ووٹنگ شروع ہوگئی ہے جس میں صدر رجب طیب اردوان اور کمال کلیک داروگلو مدمقابل ہیں۔

پولنگ کا عمل مقامی وقت کے مطابق صبح 8 بجے شروع ہوا اور شام 5 بجے (پاکستانی وقت کے مطابق شام 7 بجے)تک جاری رہے گا۔

یہ بھی پڑھیں

ترکی،صدارتی انتخاب کا فیصلہ نہ ہوسکا، کوئی امیدوار 50 فیصد ووٹ حاصل نہ کرسکا

ترکی میں 14 مئی کو ہونے والے صدارتی انتخابات میں ووٹرز ٹرن آؤٹ 90 فیصد رہا لیکن کسی بھی امیدوار کو 50 فیصد ووٹ نہ ملنے کی وجہ سے صدر کا فیصلہ نہ ہو سکا اور انتخابی عمل دوسرے مرحلے میں داخل ہو گیا۔ پہلے مرحلے میں رجب طیب اردوان کو اپنے حریف پر 5 پوائنٹس کی برتری حاصل ہوئی تاہم وہ 50 فیصد ووٹ حاصل نہیں کر سکے، وہ پہلے مرحلے میں 49.52 فیصد ووٹ حاصل کرنے میں کامیاب رہے۔

مزید پڑھیں

ترکی کے انتخابات، ابتدائی نتائج کے مطابق ار دگان کو برتری حاصل

ان کے مدمقابل حزب اختلاف کے امیدوار کمال کلیک دار اوغلو 44.89 فیصد ووٹوں کے ساتھ دوسرے اور سینان اوغان 5.17 فیصد ووٹوں کے ساتھ تیسرے نمبر پر رہے جب کہ پارلیمانی انتخابات میں رجب طیب اردگان کے اتحادی بلاک نے واضح اکثریت حاصل کی۔پانچ فیصد سے زائد ووٹوں کے ساتھ تیسرے نمبر پر آنے والے سینان اوغان نے صدر ایردوان کی حمایت کی ہے۔

واضح رہے کہ ترکی میں ہر پانچ سال بعد انتخابات ہوتے ہیں۔ ترکی کے قوانین کے مطابق گزشتہ انتخابات میں 5 فیصد ووٹ حاصل کرنے والی پارٹی صدارتی امیدوار یا کسی ایسے شخص کو نامزد کر سکتی ہے جس کی نامزدگی کو ایک لاکھ افراد کے دستخط کی حمایت حاصل ہو۔ وہ صدارتی امیدوار بن سکتے ہیں۔قانون کے مطابق اکثریت کے ساتھ 50 فیصد ووٹ حاصل کرنے والا صدر منتخب ہو جائے گا لیکن 50 فیصد ووٹ حاصل نہ کرنے کی صورت میں دو امیدواروں کے درمیان ووٹنگ کا دوسرا مرحلہ ہوتا ہے۔