وہاب ریاض کی پہلی اسائنمنٹ آسٹریلیا میں 14 دسمبر سے 7 جنوری تک ہونے والی 3 ٹیسٹ میچوں کی سیریز اور 12 سے 21 جنوری تک نیوزی لینڈ میں پانچ میچوں کی ٹی ٹوئنٹی سیریز کے لیے پاکستانی ٹیم کا انتخاب کرنا ہے۔وہاب ریاض نے اپنے بین الاقوامی کیریئر کا آغاز 2008 میں کیا اور مجموعی طور پر 237 وکٹیں حاصل کیں اور 27 ٹیسٹ، 91 ون ڈے اور 36 ٹی ٹوئنٹی انٹرنیشنل میں 1200 رنز بنائے۔انہوں نے تین ورلڈ کپ کھیلے اور ان مقابلوں میں 35 وکٹوں کے ساتھ پاکستان کے دوسرے کامیاب ترین باؤلر تھے۔پاکستان کرکٹ بورڈ کے مطابق وہاب ریاض کا کہنا ہے کہ قومی سلیکشن کمیٹی کا سربراہ بننا ان کے لیے اعزاز کی بات ہے۔ انہوں نے اس ذمہ داری پر اعتماد کرنے پر پاکستان کرکٹ بورڈ کی مینجمنٹ کمیٹی کے چیئرمین ذکا اشرف کا شکریہ ادا کیا۔

یہ بھی پڑھیں

 پی سی بی نے سابق چیف سلیکٹر انضمام الحق کا استعفیٰ منظور کرلیا

انہوں نے کہا کہ سابق کرکٹرز کو کرکٹ کے معاملات میں شامل کرنے کا فیصلہ قابل ستائش ہے اور وہ پاکستان کرکٹ کی بہتری کے لیے کام کرنا چاہتے ہیں۔پی سی بی کے مطابق وہاب ریاض کا مزید کہنا تھا کہ یہ ایک چیلنج ہے، دورہ آسٹریلیا بہت اہم ہے جہاں پاکستان کو آئی سی سی ورلڈ ٹیسٹ چیمپئن شپ کے ٹیسٹ میچز کھیلنے ہیں۔۔ ہمارے پاس محمد حفیظ کی شکل میں ایک اچھا ٹیم ڈائریکٹر ہے اور ہم مل کر پاکستان کرکٹ کی کامیابی کے لیے کام کریں گے۔ وہاب ریاض کا مزید کہنا تھا کہ ان کی اصل توجہ ڈومیسٹک کرکٹ میں اچھی کارکردگی کا مظاہرہ کرنے والے کھلاڑیوں کو اہمیت دیتے ہوئے آل راؤنڈ اسکواڈز کا اعلان کرنا ہے، وہ کھلاڑیوں کی رائے جاننے کے لیے ہمہ وقت موجود ہیں۔