اردوورلڈ کینیڈا( ویب نیوز)پاکستان تحریک انصاف کے مرکزی رہنما سلمان اکرم راجہ نے کہا ہے کہ ہمیں اس ملک میں اپنے حقوق اور جمہوریت کے لیے لڑنا ہے۔.

نجی ٹی وی سے بات کرتے ہوئے سلمان اکرم راجہ نے کہا کہ ہمیں آئین اور قانون کے لیے لڑنا ہوگا اور لڑتے رہیں گے، ہم آئین کی پاسداری کی جدوجہد جاری رکھیں گے۔.
انہوں نے کہا کہ پی ٹی آئی کے بانی عمران خان افسردہ ہیں کہ گولی نہیں چلنی چاہیے تھی۔.
دوسری جانب پشاور ہائی کورٹ نے پی ٹی آئی لیڈر سلمان اکرم راجہ کی راہداری ضمانت کی درخواست منظور کر لی۔.
پشاور ہائی کورٹ کے چیف جسٹس اشتیاق ابراہیم نے پی ٹی آئی لیڈر کی درخواست پر سماعت کی، سلمان اکرم راجہ عدالت میں پیش ہوئے۔.
سماعت کے دوران سلمان اکرم راجہ نے پشاور ہائی کورٹ کے چیف جسٹس سے پوچھا کہ آج کل مقدمات درج کرنے کا موسم ہے لیکن ایسی کوئی اطلاع نہیں ہے کہ کیس کس صورت میں درج کیا گیا ہے۔.
عدالت نے سلمان اکرم راجہ کی راہداری ضمانت کی درخواست 3 ہفتوں کے لیے منظور کر لی۔.