اردوورلڈ کینیڈا( ویب نیوز)کیلگری کے علاقے پریسٹوِک میں پولیس نے ایک خاتون کو گاڑی سے گرفتار کر کے کئی ہتھیار اور سترہ ہزار ڈالر مالیت کی منشیات برآمد کر لیں۔
یہ واقعہ صبح ساڑھے تین بجے پیش آیا جب پولیس کو مشکوک گاڑی کی اطلاع ملی۔ گاڑی پر غلط نمبر پلیٹ لگی ہوئی تھی اور خاتون پچھلی سیٹ پر سو رہی تھی۔
پولیس نے گاڑی سے چرچل شاٹ گن اور کارتوس، نقلی پستول، الیکٹرک ویپن، ایک سو سینتالیس گرام فینٹانل، منشیات کا سامان، موبائل فون اور کئی مشتبہ چوری شدہ اشیاء قبضے میں لے لیں۔
گرفتار ہونے والی خاتون کا نام چھببیس سالہ سمرا ماریا استالنک ہے جس پر تیرہ سنگین الزامات لگائے گئے ہیں جن میں غیر قانونی اسلحہ رکھنا، اسلحے کی غلط اسٹوریج، سیریل نمبر میں ردوبدل، ضمانت کی خلاف ورزی اور منشیات فروشی شامل ہیں۔
ملزمہ کو 27 اگست کو عدالت میں پیش کیا جائے گا جبکہ پولیس نے عوام سے اپیل کی ہے کہ اگر کسی نے پریسٹوِک، نیو برائٹن یا کاپر فیلڈ میں کوئی مشکوک سرگرمی دیکھی ہو تو اطلاع دیں۔