اردو ورلڈ کینیڈا ( ویب نیوز ) طلوع آفتاب اور غروب آفتاب کے اوقات سال بھر بدلتے رہتے ہیں۔لیکن یورپ کا ایک خطہ ایسا بھی ہے جہاں زیادہ تر علاقوں میں گرمیوں میں سورج کی روشنی 24 گھنٹے آسمان پر رہتی ہے۔ سورج واقعی ان علاقوں میں ہفتوں یا مہینوں تک غروب نہیں ہوتا، روشنی صرف مدھم ہوجاتی ہے۔
یہ خطہ سویڈن اور ناروے سے تعلق رکھتا ہے جو قطب شمالی کے قریب ہے جس کی وجہ سے ان ممالک کے مختلف حصوں میں گرمیوں میں کئی ہفتوں یا مہینوں تک سورج غروب نہیں ہوتا۔ان ممالک کے بعض علاقوں کو اس طرح کے نظارے کے لیے زیادہ سازگار سمجھا جاتا ہے۔
ناروے
شمالی ناروے کے سب سے بڑے شہر میں 19 مئی سے 26 جولائی کے درمیان سورج کبھی غروب نہیں ہوتا۔
تاہم بعض علاقوں میں آس پاس کی پہاڑیوں اور اونچی عمارتوں کی وجہ سے آدھی رات کو سورج نظر نہیں آتا۔لیکن مختلف حصوں میں جا کر رات گئے تک سورج کی روشنی کو دیکھنا ممکن ہے اور گرمیوں میں رات گئے تک کیبل کار کا استعمال ممکن ہے تاکہ لوگ آدھی رات کے سورج کو دیکھ سکیں۔
لوفوٹین
اس جگہ کی پہاڑیاں آدھی رات کو بہترین منظر پیش کرتی ہیں اور اس کے ساحل پر پکنک منانا منفرد ہے۔تاہم ان پہاڑیوں کی وجہ سے درمیانی رات میں سورج کو دیکھنا مشکل ہے۔جزائر پر 26 مئی سے 17 جولائی تک سورج غروب نہیں ہوتا ہے اور اس قدرتی رجحان کے لیے شمالی سمت کا سفر درکار ہوتا ہے۔
نارتھ کیپ
ناروے کے سب سے شمالی حصے کو نارتھ کیپ کہا جاتا ہے، جو سڑک پر سفر کرنے والوں کے لیے ایک مشہور مقام ہے۔گرمیوں کے دوران، یہاں فوٹوگرافروں اور کیمپرز کی تعداد اتنی زیادہ ہوتی ہے کہ وہ آدھی رات کے سورج کو دیکھ سکیں۔
سوالبارڈ
یہ وہ جگہ ہے جہاں گرمیوں میں 24 گھنٹے سورج کی روشنی کو صحیح معنوں میں دیکھنا ممکن ہے۔2 ہزار آبادی والے اس علاقے میں 19 اپریل سے 23 اگست تک سورج غروب نہیں ہوتا۔جون یا جولائی میں آدھی رات اور دوپہر کے درمیان فرق کرنا بھی بہت مشکل ہوتا ہے۔
