ishtiaq ahmed 
اردوورلڈ کینیڈا( ویب نیوز)بالی ووڈ کی سینئر اداکارہ اور سیاست دان جیا بچن نے شادی کے 51 سال بعد اس شرط کے بارے میں بتایا جو امیتابھ بچن نے ان سے شادی کے لیے رکھی تھی۔
بھارتی میڈیا کے مطابق جیا بچن نے حال ہی میں اپنی پوتی کے پوڈ کاسٹ میں شرکت کی جہاں انہوں نے امیتابھ بچن کے ساتھ اپنی شادی کے وقت کو یاد کیا۔ جیا بچن نے کہا کہ جب امیتابھ بچن اور میں نے شادی کرنے کا فیصلہ کیا تو انہوں نے مجھے کہا کہ مجھے ایسی بیوی نہیں چاہیے جو دن میں 5 سے 9 گھنٹے گھر سے باہر کام کرے بلکہ میں چا ہتا ہوں کہ میری بیوی اپنے گھر کو زیادہ سے زیادہ وقت دے
سینئر اداکارہ نے کہا کہ امیتابھ بچن نے میرے سامنے ایک شرط رکھی کہ اگر آپ شادی کرنا چا ہتی ہیں تو آپ کو روزانہ کام پر نہیں جانا اس سے پہلے ہماری فلم ‘زنجیر کی کامیابی کے بعد ہم ایک ساتھ چھٹیوں پر جانے والے تھے، ہم نے فلم کی کامیابی کا جشن منانا تھا لیکن امیتابھ بچن کے والدین نے اس کی اجازت نہیں دی۔
جیا بچن نے کہا کہ امیتابھ بچن میرے پاس آئے اور انہوں نے مجھے بتایا کہ ایک مسئلہ ہے، میرے والدین ہمیں ٹرپ پر جانے کی اجازت نہیں دیں گے۔ ہم ایک ساتھ سفر پر جانا چاہتے تھے لیکن شادی سے پہلے ہمیں اکٹھے جانے کی اجازت نہیں تھی اس لیے ہم نے اکتوبر کے بجائے جون میں شادی کرنے کا فیصلہ کیا تاکہ ہم ایک ساتھ چھٹیوں پر جا سکیں۔
انہوں نے کہا کہ امیتابھ بچن نے میرے والد سے جلد شادی کرنے کی بات کی لیکن وہ یہ سن کر خوش نہیں ہوئے کیونکہ میرے والد ہماری شادی کے حق میں نہیں تھے۔ حال ہی میں ایک انٹرویو میں امیتابھ بچن نے کہا تھا کہ مجھے جیا کی ایک بات پسند ہے کہ شادی کے بعد انہوں نے فلموں کی بجائے گھر کو ترجیح دی۔
امیتابھ بچن اور جیا بچن کی شادی جون 1973 میں ہوئی، جوڑے کا ایک بیٹا ابھیشیک بچن اور ایک بیٹی شویتا بچن ہے۔
33
