ishtiaq ahmed 
اردو ورلڈ کینیڈا ( ویب نیوز)جمعرات کی شام وزیر آباد کے اللہ والا چوک میں جب پاکستان تحریک انصاف کے چیئرمین عمران خان کے کنٹینر پر فائرنگ کی گئی تو پہلا سوال جو میڈیا اور سوشل میڈیا پر گردش کرتا نظر آیا وہ یہ تھا کہ کیا فائرنگ کا نشانہ عمران خان تھے؟ اگر ایسا ہے تو انہیں کہاں گولی ماری گئی اور ان کی حالت کیا ہے؟
حکام نے اس واقعے میں عمران خان سمیت 14 افراد کے زخمی ہونے کی تصدیق کی ہے، جن میں سے تحریک انصاف کے سربراہ سمیت 5 افراد کو گولیاں لگیں۔
فائرنگ کے اس واقعے کے بعد جہاں میڈیا سے گفتگو میں تحریک انصاف کے رہنما اس بات پر متفق نظر آئے کہ اس فائرنگ کا نشانہ عمران خان تھے اور انہیں بھی گولی لگی تھی تاہم گولیوں کی تعداد کے حوالے سے متضاد اطلاعات ہیں
پی ٹی آئی کی جانب سے ایک ویڈیو جاری کی گئی جس میں عمران خان کو ٹانگ پر پٹی باندھ کر کنٹینر سے باہر نکلتے ہوئے دیکھا جا سکتا ہے جس میں دیکھا جا سکتا ہے
عمران خان کنٹینر سے نکل کر اپنی گاڑی میں لاہور پہنچے جہاں سے انہیں شوکت خانم اسپتال لے جایا گیا۔ اس وقت تک یہ واضح تھا کہ گولی عمران خان کی ٹانگ میں لگی تاہم ان کی حالت خطرے سے باہر ہے
عمران خان کے ابتدائی معائنے کے بعد شوکت خانم ہسپتال کے سی ای او اور تحریک انصاف کے سربراہ کے ذاتی معالج ڈاکٹر فیصل سلطان نے انہیں لگنے والی گولی کے بارے میں مزید معلومات دیں۔
جمعرات کی شام ہسپتال کے باہر میڈیا کے نمائندوں سے بات کرتے ہوئے انہوں نے کہا کہ ابتدائی معائنے کے دوران عمران خان کے ایکسرے اور سکین کیے گئے جس سے معلوم ہوا کہ ان کی ٹانگوں میں گولی کے ٹکڑے ہیں۔
ڈاکٹر فیصل سلطان کے مطابق عمران خان کی دائیں ٹانگ کی نچلی ہڈی میں شگاف دیکھا گیا ہے
انہوں نے کہا کہ آپریشن تھیٹر میں عمران خان کا مکمل معائنہ ہوا اوران کی حالت خطرے سے باہر ہے
ڈاکٹر فیصل سلطان نے کہا کہ تمام متعلقہ ماہرین عمران خان کا معائنہ کر رہے ہیں اور ان کی رائے کے مطابق ان کا علاج کیا جا رہا ہے۔
انہوں نے کہا کہ عمران خان کی تمام تشخیصی علامات بالکل درست ہیں اور انہیں درد کم کرنے والی دوا دی گئی ہے۔
